افرض اموت وانت بعدك زعلان مني
افرض اموت وبعدك ممراضيني
هم تعيش وتكمل هاي الدنيا بدوني
هم يدكَ كَلبكَ بعد يحاجيني
رايد اشرحلك ظروفي وانت احكم بضميرك
اعتبر نفسك غريب واني رايد استشيرك
بالبداية ادري حقك مني تزعل
وادري اني هواية اقصر ولله لو تذبحني اقبل
بس شسوي مو بيدية كلشي ضدي كلشي يجرح كلشي بية
كافي تزعل يا حبيبي ولله انت ببالي ساكن وحدك مأثر عليه
بعدة حبك بية يمشي يغفى احسى ويا رمشي
يصحى يمي بكل مكان بكل طريق
ويا روحي بكل جروحي ويا حتى الـ ماكو احجي
احجي حتى ويا نوحي اني احبك وانت تدري
انت عمري هم قليلة فدوة لأجلك ما اريدة
مني اخذة حتى عمري
مني اخذة حتى عمري
افرض اموت وانت بعدك زعلان مني
افرض اموت وبعدك ممراضيني
هم تعيش وتكمل هاي الدنيا بدوني
هم يدكَ كَلبكَ بعد يحاجيني
ما اشوفك اني يمكن كل دقيقة ما اخابر
ولله مو قصدي اكابر ولله مو قصدي اعوفك
لو بيدية كل دقيقة اتمنى اشوفك
بس ظروفي كَوة توكَف ضد محبتي
واني كلما اكَول اجيلك مدري وين يروح وكتي
يا ملاك من احضنك يا هلاك من ازعلك
يا حبيبي بكل صفاتك يا دموع ويا خضوع
ويا حياتي ونبضي كلة يا ضحكتي ويا فرحتي
انت ليلي الـ ما املى ايدي تنكَص هاي سهلة
كَلبي يوكَف حيل سهلة روحي تطلع ولله سهلة
الدنيا هاي كلها سهلة الا بعدك الا زعلك
وحدة لك الـ ما احملة
اني بعدك ما ابالغ ما ابالغ بالكلام
بس اكَلك من متحبني عيني ما تقبل تنام
الا تخلص كل دموعي الا افقد شوفي يعني وكلشي يتحول ظلام
وانت بعدك زعلان مني
افرض اموت وبعدك ممراضيني
هم تعيش وتكمل هاي الدنيا بدوني
هم يدكَ كَلبكَ بعد يحاجيني
ليست هناك تعليقات:
إرسال تعليق